Thursday, January 14, 2010

"MASA"

03 december 2009, st.peters burge se mai tver wapis aa raha tha, yunust (train ka naam) apni puri raftaar se bhaag rahi thi, tin dino ke prter's daure ne mujhe thaka diya tha, lekin khushi is baat ki thi ki jis kaam se mai peter's gaya tha, wo kaam pura ho gaya tha, jignesh ka admession waha ke L2 medical college me ho gaya tha, mere saath wali seat par he jignesh baitha baitha so gaya tha, pichle 25 dino me use pehli baar itne chain se sota dekha tha maine, mai baar-baar us russian ladki ke baare me soch raha tha, jo ek pari ke tarah achanak hame mili or bina kisi jaan-pehchaan ke hamare liye itna kuch kiya,na kewal jignesh ki admission karwane me usne hamari madad ki, balki peter's jese bade or anjaan sehar me hamare rehne ka bandobast apne khud ke ghar par kiya, "MASA" ko dekh kar koi ye nai keh sakta tha ki wo dil ki itni achchi or sachchi hai. jub hum din bhar ke kaam se thak kar laute to humne kisi hotel me room lene ka socha, lekin kahi kamra nai mile ke haalat me humne railway station ke waiting hall me he raat gujaarne ka socha, yaha tak ki hum waiting hall pahuch kar waha baith bhi gaye the,lekin tabhi jignesh ka phone baza, Masa ne phone kiya tha,usne humse pucha ki hum raat kaha guzarne wale hai, humne use bataya ki hotels me to jagah nahi hai,to ab raat railway station par he guzaar lenge, usne is baat par aapatti jatate hue hame 25 min tak wahi uska intizaar karne ko kaha.
Isi bich jignesh apni jagah se utth kar coffee pine chala gaya,tavi mere saath ki seat par baithe 2 avivaahit russian jodi me aapasi jhagda or tu-tu mai-mai honi suru ho gai,mai na chaah kar bhi unki baaten sun raha tha,dono kuch he dino pehle mile the,or ab dono ke bich halat itne bigadne lage the ki logo se bhare waiting hall me saraab ke nashe me dono jhagad rahe the, achanak ladka apni seat se utha or kahin chala gaya,tavi ladki ne muskurate hue mere taraf dekha or boli, aapko hamare is jhagde se jarur pareshani ho rahi hogi, kya karu? Mai bhi pareshan ho chuki hun, mehaz 7 dino pehle hum mile hai,or ab halat ye hai ki pichle 4 dino se har roj aisa he jhagda hota hai, maine ladki ki baat sun kar usse kaha, "jaha pyaar hota hai,wahi jhagde bhi hote hai,mujhe lagta hai wo aapse bahut pyaar karta hai" meri baat sun kar ladki hass padi, thodi der me ladka wapis aaya or ladki ko apne saath chalne ko kaha, ladki ne mana karte hue kaha ki wo yahi thik hai, itne me ladke ne palat kar ladki ko 2-3 abhadra gaaliyan de di or chala gaya, ladki achanak meri aor mudi or muskurate hue boli, "or aap kehte hai ki wo mujhse pyaar karta hai" mai uski ye baat sun kar nishabdh sa ho gaya tha,uske is waaky ne mujhe kuch palo ke liye ye sochne par majbur kar diya tha ki mai kya jawab du use, ant me maine is baat par kuch na he kehna uchit samjha or chup chap baith gaya.
Tabhi achanak jignesh mere paas aaya or bola,bhaia,masa ke phone kiye lagbhag 25 min ho chuke hai, wo ab tak aai nahi, tabhi achanak 23-24 saal ki ek 5'10 inch height ki ek russian ladki hamare paas aai or hame "DRAST-VICHE" kaha, wo masa thi, hum ab se pehle kavi aamne saamne mile nahi the,pichle 2 dino me jo bhi baaten hui thi,wo sub phone par he hui thi,humne bade he formal tarike se ek dushre se apna parichay karwaya,hum dono ko dekhte he masa ye baat bakhubi samajh gai thi ki hum dono kaafi thake hue hai,isi liye bina kisi or deri ke usne hamara saaman clock room me jama karwaya or hame paas ke ek coffee house me le gai, jignesh or masa ne to waha green tea liya, lekin maine black coffee wo bhi bina chini ke lena thik samjha, kyuki meri aankhen ab mujhe jawab de rahi thi, maine coffee order karte waqt usme 2 chammac coffee dalwai thi, or jese he bill pay karne ke liye counter par coffee aage badha to pata chala ki ab meri coffee 95 ruble ki ho gai hai,maine counter par baithe vyakti se pucha ki coffee ka rate to 50 ruble likha hua hai desk par, to is coffee ke liye 95 kyu? To usne jhatt se jawab dete hue kaha "sir aapne 2 chammach coffee dalwai hai" ye sun kar mere aascharya or hasi ka koi thikana na raha, mai waha 160 indian rupees ki ek cup coffee pine wala tha, counter se coffee le kar mai table par aa kar baitha,waha masa or jignesh pehle se baithe the, coffee pite hue mai masa se baaten karne laga, baato baato me usne bataya ki wo Arkhangelsk ki rehne wali hai,or yaha st.peter's me pichle 8 saalo se reh rahi hai,uske mata or pita Arkhangelsk me he hai or ek bhai jo usse bada hai,wo Moscow me apni biwi ke saath rehta hai or wahi job karta hai,masa yaha peter's me akeli he rehti hai or kisi company me manager ke pad par kaam karti hai. Baato baato me coffee khatam ho gai, maine ek or coffee lena thik samjha,kyuki ab tak mujhe pata nahi tha ki mujhe peter's jese anjaan,vishaal or mehnge sehar me raat ko sone ki jagah milegi bhi ki nahi,dushri coffee lekar jub mai wapis aaya, tab masa ne mujhse mere or mere pariwar ke bare me pucha, maine uske saare sawalo ka jawab diya,or isi bich meri coffee bhi khatam ho gai.Tavi masa apne jagah se uthi or hame boli, "chalo" maine pucha kaha? usne muskurate hue kaha,are baba chalo to. Rashte me masa ne apne kisi dost se phone par baaten ki, or fir hum dono ko saath lekar ek super-market pahuchi,waha se kuch chigen kharid kar jub hum wapis nikle,tab mere or jignesh ke samajh me ye nahi aa raha tha ki ye ladki aakhir kar kya rahi hai? Achanak masa ne ek taxi roki or hame taxi me baithne ko kaha,humne fir masa se pucha, masa hum ja kaha rahe hai,usne fir se wahi jawab diya, "are baba,chalo to".... to be cont..