Thursday, October 22, 2009

mera akela safar

Mobile me set kiya hua alarm har 5-5 min par baj raha tha,lekin meri aankhen ab bhi sona chahti thi,saamne khadi sachchaai ko shayad ye aankhe jaan bujh kar jhuthla rahi thi,jo mann pichle 3 mahine se ye soch kar khush tha,ki wo ab saat samundar paar ja kar rehne wala hai,wahi mann aaj na jaane kyu dukhi sa ho rakha hai,yahi to tha,jise paane ke liye kya kuch nai kiya tha usne,shayad yahi wo samay tha,jisne rishtey or lagaav ko har ichcha ke upar bhari bana diya tha,mann bar bar vichalit ho raha tha,na jaane kyu kadam wapis lene ko ji karta tha. mann,aankhen,dil,rishtey,lagaav or aane wale pal ke bich chal rahi is jaddo jehad me achanak se ek alp viram sa lag gaya,ek haath jisne mere sar ko mamta bhare sparsh se chhua,or aankhe khulne par majboor ho gai,or dhire se ek doli hui aawaz aai,"beta 5 baj gaye hai,utth jao,papa taiyaar ho chuke hai,tum bhi taiyaar ho jao" itna keh kar maa wapis chali gai,na jaane kis sonch me mai utha, naha dho kar khud taiyaar to ho gaya, lekin mann ab tak sona chahta tha, bahar ke ujaale ko dekhne se aankhen katraa rahi thi, achanak se darwaje ke paas ek auto riksha ke aane ki aawaz sunai di or kuch kcshan ke baad papa andar aaye or bole, chlo auto aa gaya hai, mai sub sun kar bhi kuch nahi sun pa raha tha, sub dekh kar bhi kuch nahi dekh pa raha tha,achanak maa ne kaha, main bhi chalti hun railway station tak, papa maan gaye, ab mann ke vyakulta par ek alpviraam jesa lag gaya tha, maa saath thi, papa or chhota bhai bhi saath ththe, railway station par pahuchte he dekha ki mama ji pehle he waha maujud the , ab sabhi log mujhe kiul station tak chhodne jane ki baat kar rahe the, wo kuch sochte ye bolte usse pehle he mai bol baith,, han han aap sub kiul tak chaliye,maa to jaise mere isi baat ka intizaar kar rahi thi, jhatt se unhone bhi han bol diya, mama ji ne kiul ki ticket li,train aate he hum log apne jagah par baith gaye, mai maa ke paas baitha, sabhi log baaten kar rahe the,, or main maa ke god me sar rakh kar so gaya achanak kuch der ke baad aankh khuli or yun he aansuon ke dhaar aankhon se behne lage, maa ko pata bhi na tha ki uska beta uske godd me sar rakh kar sone ke bahane ro raha hai, achanak maa ne mere sar par yun he haath feri, mera dil is kadar bhaaw vibhal ho utha ki batane ko shabd nahi pure padenge, maa ne usi kram me dobara mere sir par haath fera or ab mai khud ko sambhaal nahi paya, bilak bilak kar rone laga maa ke godd me, sub chup the, maa bhi chup thi, lekin sar par haath fere ja rahi thi, chup karane ki kosis to kar rahi thi, lekin khud ke aanshu nahi rok pa rahi thi, us pal aabhash hua ki ek bachche ko ek maa kitne achche se samajhti or janti hai, chah kar bhi itne karib se pita ya koi or nahi jaan pata shayad, mera mann is baat ko soch soch kar he dara ja raha tha ki 6 saal main sub se dur kese rahunga, mann ke is jaddo jehed me na jaane kiul tak ka safar kab khatam ho gaya or train kiul station pahuch gai, pata he nahi chala, kiul station utre 30 min se bhi jyada ho chuka tha ab,, lekin mujhe to jese lag raha tha ki abhi 5 minute pehle he yaha aaye hai, mai maa ke saath he baitha tha ki achanak ghadghadi hui jor se siti marti train platform me aa khadi hui,, ab samay aa chuka tha ki mai maa ke saath saath chote bhai or mama ji ko alvida kahu. tabhi achanak dushri taraf se chhote mama waha aaye,, aate he mujhe ek chocolate ka packet dete hue bole,, beta aane me der ho gai, papa or manjhle mama ne tab tak saman train me rakh liya tha, ab train khulne he wali thi, mai upar chaddha, apni sit par aa kar baitha, bahar platform par khidki ke paas maa, bhai or mama ji aa khade hue,, papa mere saath delhi tak ja rahe the, train khul gai,, or train ki gati ke saath saath meri aankhen bhi namm hoti chali gai,, mai subko dekhta ja raha tha,, or train mujhe subse dur le ja rahi thi,, maa ki aankhe namm thi,, kuch na keh kar bhi keh rahi thi ki wo mere liye kitni bechain rahengi agle 6 saal,train ki gati baddhi or sub piche chhut gaye, or is tarah mai ek akele safar ke taraf nikal pada... ye safar ab tak annthin dikh raha hai, agle hisse me aapko aage ke safar ke bare me bataunga...

Sunday, October 11, 2009

aawaaz

Dil ke kone se ek aawaaz aati hai,
hame har pal tumhari yaad aati hai,
dil puchta hai bar-br hamse,
jinhe hum yaad karte hai,kya unhe v hamari yaad aati hai?

Saturday, October 10, 2009

munni

"MUNNI" 7 bhai behno me sabse choti or dulari behan,lekin na jane kisne is nanhi pari ki khushiyo par nazar laga di,mehaz 11 saal ki umar me maa ke cancer ki bimari ki wajah se gujar jane ke baad munni ghar me bhai behno ke bich bhi akela pan mehsus karne lagi,maa ki bimaari ne itne kam umar me he munni ko jhagjhol kar rakh diya tha,din raat maa ko cancer ke karan hone wale dard se tadapta dekh munni mann he mann roti,lekin khud jub maa ke saamne hoti to badi he majbuti se khadi rehti,jese ki is bachchi ko maa ke bimaar hone se koi pareshani ka samna he na karna pad raha ho,aakhir doctors kihazar dawaiyan bhi maa ko na bacha saki or maa ka dehaant november me ho he gaya,wo chatt parv ka pehla din tha,ye parv munni ke jivan me ek lambe samay tak chalne wala andhakar le kar aaya tha,jisse ki shayad wo bhi anbhigg nahi thi,itni kam umar me bhi sub kuch samajhne ki kshamta aa gai thi munni me ,lekin maa ke na hone se jiwan me ek khalipan sa aa gaya tha,dekhte he dekhte saal gujarte gaye,do badi behne to pehle se he vyaahta thi ab tishri behan subhadra ka bhi vivaah ho gaya,mehaz 13 varsh ki umar me he munni ke upar pure ghar ka bojh aa gaya,phool si bachchi har roj ghar ka sara kaam karke,,3 bhaiyon or pita ke liye khana banati or fir khud school ke liye nikal jaati,pita ke paas dhan ki kami ko jante hue usne kabhi pita se paddhai ke liye jyada paise nahi mange,sarkaari girl school me padhtne wali bachchi ko jub class-teacher ne mann laga kar paddhai karte dekha to bine fees ke tution padhane ke liye khud he raji ho gai,lekin munni ki kismat ko to jese kuch or he manjur tha,is nanhi si jaan se shayad kismat ko bhi jalan hone lagi thi,munni ghar to gai apni khushi batane,ki teacher use bina fees ke tution padhana chahti hai, lekin waha pehle se he munni ke kismat ko kisi alag he disha me moda ja raha tha,badi behan sharda garvwati thi,is karan wo pita ke ghar chali aai,lekin ghar par garvwati stri ki sewa ke liye koi nai tha,isi liye ab iska pahad bhi munni par he tuta,vikrit mansiktaao se bhare pariwar walo ne nanhi si bachchi ke liye ek tanasaahi halafnaame jesa farman suna dala, ab munni ka school jana band karwa diya gaya, jis bachchi ne paddh likh kar aage baddhne ke sapne dekhe the,uske sapne khud badi behan ne apne swarth ke liye yeh keh kar tod daal,ki "kya kregi paddh kar?" jis badi behan ke aane se munni khushi se phule na sama rahi thi uski he shewa krne ke liye ab munni ka school jana band karwaya ja raha tha,ab wo karti to kya karti,maa to is duniya me thi nahi,or pita se juban ladane ki wo soch bhi nahi sakti thi,bas mann he mann ro bilak kar apni paddhai ko behan or pariwar ke liye kurban karr gai,saatvi kakcha ki is honhar bachchi ke sapne jese kachche mitti ke ghade ki tarah tod kar pani me bahaye ja rahe the,angreji ki taalim lene ke sapne dekhne wali munni ko school se he dur kiya ja raha tha,use asiksha ke andhakar ke or jaan bujh kar dhakela ja raha tha,or dukh to is baat ka tha ki ye sub karne wale koi or nahi,balki munni ke apne the,wo apne jinhe samaaz pariwar kehta hai,bhai behan or pita kehta hai.na chaah kar bhi munni ko school chhodna pada,dushre bachche jub school jaate tub munni ghar ka kaam karti,or jub dushre bachche khelte tub wo behan ke 3 bachcho ko sambhalti.


lekin shayad takdir ko yahi manjur tha,samay bita or sharda ne ek ladke ko janam diya, ab tak to munni ko jese kaam karne ki mechine me tabdil kar diya tha subne,din bhar bichari bachchi ghar ke kaam karti rehti or bache hue samay me behan ke bachcho ko sambhalti

"हमें माफ़ करना"

हमसे गर तुम खफा हो, तो हमें माफ़ करना,
जो हमसे हुई कोई खता हो तो हमें माफ़ करना,
ख़ुशी के बदले जो दिया हो गम् हमने तुम्हे,,,
जो की ना वफ़ा हो तो हमें माफ़ करना,
हो कल सभी किसी खुशनुमी महफिल में,वहा हम ना पहुचें तो हमें माफ़ करना,
हर ख़ुशी के बीच से निकल कर जो तुम्हे आना पड़े हमारे गमे महफिल में तो "हमें माफ़ करना"